საქართველოს სასკოლო სპორტული ოლიმპიადის ფარგლებში, მინი ფეხბურთში გორის მუნიციპალიტეტის პირველობა ჩატარდა.

სპორტული აქტივობა ვაჟთა გუნდებს შორის გაიმართა.

რაც შეეხება გამარჯვებულებს, პირველ ადგილზე გორის №10 საჯარო სკოლის გუნდი გავიდა. მეორე საპრიზო ადგილი №9 საჯარო სკოლის გუდმა დაიკავა. №5 საჯარო სკოლის გუნდმა კი ასპარეზობა მესამე ადგილით დაასრულა.

სასკოლო სპორტული ოლიმპიადა საქართველოს ბავშვთა და სასკოლო სპორტის ეროვნული ფედერაციის ინიციატივით იმართება.

აქტივობები სპორტის 8 სახეობაში ტარდება. გორის მუნიციპალიტეტში სპორტული ღონისძიებების ორგანიზატორია სპორტის განვითარებისა და ხელშეწყობის სააგენტო და ფეხბურთის კლუბი „გორი“.