ავტოიმპორტიორებს, რომლებიც ვერ მოახერხებენ 2024 წლის 1-ელ იანვრამდე ძველი, ანუ 2013 წლის ჩათვლით გამოშვებული მსუბუქი ავტომობილების ქვეყანაში შემოყვანას, იანვრიდან შემოსული ავტომობილის მხოლოდ რეექსპორტზე გაყვანა შეეძლებათ.

საქართველოს მთავრობის გადაწყვეტილებით, ძველ ავტომობილს, რომელიც 1-ლი იანვრიდან შემოვა ქვეყანაში, ექნება ტრანზიტული ნომერი და იმპორტიორებს/მფლობელებს მოუწევთ მათი რეალიზაცია იმ ქვეყანაში, სადაც ჯერ კიდევ არ არის მიღებული ევრო 5 სტანდარტი.

ცნობისთვის, საქართველოში ჰაერის ხარისხის გაუმჯობესების მიზნით, 2024 წლის პირველი იანვრიდან 10 და მეტის წლის მსუბუქი ავტომობილების იმპორტი აიკრძალა.