ოკუპირებული ტერიტორიის პერიმეტრზე მდებარე სოფელ ერგნეთში, ინციდენტების პრევენციისა და მათზე რეაგირების მექანიზმის ფარგლებში, რიგით 115-ე შეხვედრა დღეს, 1-ელ ნოემბერს გაიმართება.
არსებული ინფორმაციით, საქართველოს ცენტრალური ხელისუფლების წარმომადგენლები საოკუპაციო ხაზთან ბოლო პერიოდში დაფიქსირებულ ინციდენტებს, განხორციელებულ დესტრუქციულ ქმედებებებს და საქართველოს მოქალაქეების უკანონოდ დაკავების ფაქტებს გააპროტესტებენ. ასევე, არსებული ინფორმაციით, განსახილველი საკითხები შეეხება იმ ჰუმანიტარულ მიმართულებებსაც, რაც მნიშვნელოვანია საოკუპაციო ხაზის ორივე მხარეს მცხოვრები მოსახლეობისთვის.
ამ დროისთვის არსებული ინფორმაციით, ოკუპირებულ ცხინვალში უკანონო პატიმრობაში იმყოფება საქართველოს ექვსი მოქალაქე.
17 მაისი ოჯახის სიწმინდისა და მშობლების პატივისცემის დღედ, 2014 წელს, საქართველოს კათოლიკოს-პატრიარქმა გამოაცხადა.
საქართველოს ოკუპირებულ ტერიტორიებზე, ისევე როგორც საოკუპაციო ხაზის გასწვრივ ჩადენილ ყველა დესტრუქციულ ქმედებაზე პასუხისმგებლობა ეკისრება რუსეთის საოკუპაციო ძალას - სუს-ი.