საზოგადოება
31.10.2023 13:07
საოკუპაციო ხაზთან მდებარე სოფელ მეღვრეკისში ახალი საბავშვო ბაღი გაიხსნა
გორის მუნიციპალიტეტის სოფელ მეღვრეკისში, საოკუპაციო ხაზთან, ახალი საბავშვო ბაღი გაიხსნა.
სამ სააღმზრდელო ჯგუფზე გათვლილი ორსართულიანი შენობა თანამედროვე სტანდარტების ყველა მოთხოვნას აკმაყოფილებს. ამ ეტაპზე, ბაღში 70-მდე აღსაზრდელი ირიცხება და მეღვრეკისსა და ერგნეთში მცხოვრებ პატარებს ემსახურება.
ახალი ბაღი გორის მერის მოადგილემ თამაზ შიოშვილმა, სკოლამდელი აღზრდის სააგენტოსა და საკრებულოს თავმჯდომარის მოადგილე თამარ მურალოვასთან,საკრებულოს სამანდატო,საპროცედურო საკითხთა და ეთიკის კომისიის თავმჯდომარე ლია მამულაშვილთან, საკრებულოს წევრ ლიანა ოქროპირიძესთან ერთად გახსნა
მეღვრეკისის ბაღის შენობა მუნიციპალური განვითარების ფონდის მიერ აშენდა. „გორის მაცნეს“ ინფორმაციით, ამ დრომდე სოფელში საბავშვო ბაღი არ არსებობდა.
