გორში ინტელექტუალური შეჯიბრის „სიტყვის ძალა“ ფინალური შეხვედრა გაიმართა.

გამარჯვებისთვის ერთმანეთს გორის მუნიციპალიტეტის ექვსი სკოლის (მეოთხე, მეთორმეტე,ღირსი მამა გიორგი მთაწმინდელის სახელობის გიმნაზიის, სკრის, ტირძნისის და დიცის) გუნდი დაუპირისპირდა.

გამარჯვებულის ტიტული მეოთხე საჯარო სკოლამ (მეთაური: ალექსანდრე წულაია) მოიპოვა.

შეჯიბრი 26 ოქტომბერს ჩატარდა. ღონისძიებას ბავშვთა და ახალგაზრდობის ცენტრმა უმასპინძლა.

ცნობისთვის, ინტელექტუალური კონკურსი „სიტყვის ძალა“ გორის მუნიციპალიტეტის კულტურის სააგენტოს ორგანიზებით და საგანმანათლებლო რესურსცენტრის ხელშეწყობით, ყოველწლიურად ტარდება.