საზოგადოება
20.10.2023 12:37
„ვარდისფერი ოქტომბერის“ ფარგლებში, გორში ქალებისთვის აქცია გაიმართება
კამპანია „ვარდისფერი ოქტომბერის“ ფარგლებში, გორში ქალებისთვის აქცია გაიმართება.
„ქართული ოცნების“ შიდა ქართლის ქალთა ორგანიზაციის მიერ გავრცელებული ინფორმაციით, აქცია, რომელიც უფასო სკრინინგს მოიცავს, 23 ოქტომბერს, 11 საათზე დაიწყება.
კამპანიის ფარგლებში, საკრებულოს შენობის წინ, მოედანზე (სტალინის ქ. 16) გაჩერდება მოძრავი ამბულატორიული ავტომობილი, სადაც ქალები მამოგრაფიას, პაპტესტს და კოლპოსკოპიას უფასოდ ჩაიტარებენ.
შეგახსენებთ, ოქტომბერი ძუძუს კიბოს ცნობადობის ამაღლების საერთაშორისო თვეა და „ვარდისფერ ოქტომბრად“ იწოდება. კამპანია კი მიზნად ისახავს ძუძუს კიბოს სიმპტომების ნაადრევი აღმოჩენის, რეგულარული თვითშემოწმების და სკრინინგული კვლევების საჭიროების შესახებ საზოგადოების ინფორმირებას.
