ეროვნული ლიგა 3-ის მე-20 ტურის მატჩში გორის საფეხბურთო კლუბმა „გორი“ „ბორჯომს“ ანგარიშით 2:0 სძლია.

საფეხბურთო კლუბის „გორი“ ინფორმაციით, ბორჯომელთა კარში თითო გოლი გოგი მამულაშვილმა და გიორგი ხაჭაპურიძემ გაიტანეს.

მატჩს გრიგოლ ჯომართიძის სახელობის ხაშურის სტადიონმა უმასპინძლა.

მომდევნო შეხვედრას „გორი“ „რუსთავის“ წინააღმდეგ ჩაატარებს. მატჩი 5 ოქტომბერს ქართლის სტადიონზე გაიმართება.