გორის მუნიციპალიტეტის სოფელ ხიდისთავის ერთ-ერთ უბანში გარე განათების სისტემა მოეწყო.

კეთილმოწყობის სააგენტოს ინფორმაციით, 330 მეტრზე 9 ერთეული ელექტრო ბოძი და ამდენივე 50-ვატიანი დიოდური სანათი დამონტაჟდა.

„სოფელ ხიდისთავის ერთ-ერთ უბანში, იქ სადაც წლების განმავლობაში გარე განათების სისტემა არ არსებობდა, დასახლების მაცხოვრებლები ახალი გარე განათებით უკვე სარგებლობენ და ღამის საათებში კომფორტულად გადაადგილდებიან. კეთილმოწყობის სააგენტოს მიერ, მუნიციპალიტეტის სოფლებში დაზიანებული სანათების ამოცვლა მუდმივად ხდება“ - აცხადებენ სააგენტოში.