საზოგადოება
17.02.2020 10:32
რა კავშირი აქვს რესტორან ,,ბერიკონს“, მე-2 სკოლას და უნივერსიტეტის 1-ელ კორპუსს ძველი გორის გალავანთან
იმის მიუხედავად, რომ გორს თავდაცვის შესანიშნავი საშუალება - გორის ციხე გააჩნდა, სადაც მოსახლეობა თავს აფარებდა, ქალაქის ირგვლივ ზღუდეც ყოფილა.
გორს, ძველად, გალავანი ჰქონია შემოვლებული. ისტორიულ წყაროებში მე-17-მე-18 საუკუნეებსია მოხსენიებული გორის გალავანი. გალავანს სამი შესასვლელი ჰქონდა: ,,იმერეთის ჭიშკარი“, ,,მუხრანის ჭიშკარი“ და ,,თურქეთის ჭიშკარი“.
,,იმერეთის ჭიშკარი“ იმ ადგილას ყოფილა, სადაც ამჟამად მე-2 საჯარო სკოლაა, ,,მუხრანის ჭიშკარი“ ამჟამინდელი გორის სახელმწიფო უნივერსიტეტის პირველი კორპუსის ტერიტორიაზე მდებარეობდა, ,,თურქეთის ჭიშკარი“ კი იმ ადგილზე ყოფილა, სადაც დღეს რესტორანი ,,ბერიკონია“.
