სპორტი
01.09.2023 14:27
რატი ჭიქინაშვილი და ლევან ღვინიაშვილი მკლავჭიდში გამართული მსოფლიოს ჩემპიონატის გამარჯვებულები გახდნენ
ყაზახეთში გამართულ მსოფლიოს ჩემპიონატზე გორელმა მკლავჭიდელებმა, რატი ჭიქინაშვილმა და ლევან ღვინიაშვილმა გამარჯვება მოიპოვეს და მსოფლიოს ჩემპიონები გახდნენ.
ჭიქინაშვილმა 18 წლამდელებს შორის, ღვინიაშვილმა კი 23 წლამდელებში, როგორც მარჯვენა, ისე მარცხენა ხელით შეძლეს 2-2 ოქროს მედლის მოპოვება.
ორივე სპორტსმენი შოთა ჩოჩიშვილის სახელობის გორის კომპლექსური სპორტული სკოლის წარმომადგენელია. მათი პირადი მწვრთნელი თენგო ედილაშვილია.
აქვე შეგახსენებთ, რომ ყაზახეთში გამართულ მსოფლიოს ჩემპიონატზე პარამკლავჭიდში, ჩემპიონის ტიტული მოიპოვა გორელმა პარამკლავჭიდელმა ლევან მახათაძემაც.
