გორის ხელოვნების სახლი ამერიკელი ფოტოგრაფის ჰეილი სედლერის ფოტოგამოფენას „სახლიდან შორს“ უმასპინძლებს.

ხელოვნების სახლის ინფორმაციით, პროექტი საქართველოში ჩამოსული უკრაინელი ოჯახების გამოცდილებას იკვლევს.

„ამერიკელმა ფოტოგრაფმა და National Geographic-ის მკვლევარმა, ჰეილი სედლერმა 2022 წლის აგვისტო თბილისში გაატარა და იმ უკრაინელი ლტოლვილების ყოველდღიური ცხოვრების აღწერას დაუთმო, რომელთაც საკუთარი სახლების დატოვება ქვეყანაში მიმდინარე ომის გამო მოუწიათ. პროექტი ქართულ არაკომერციულ ორგანიზაცია Museograph-ს და Home Collective-ს შორის კულტურული თანამშრომლობაა“, - აღნიშნულია ინფორმაციაში.

ფოტოგამოფენა „სახლიდან შორს“ 8 სექტემბერს გაიხსნება და 3 ოქტომბრის ჩათვლით გაგრძელდება. პროექტის ფარგლებში, 9 სექტემბერს, 19:00 საათზე დაგეგმილია შეხვედრა ფოტოგრაფთან.