გორის მუნიციპალიტეტში საგზაო ინფრასტრუქტურის მოწესრიგება გრძელდება. გზის სამი მონაკვეთის რეაბილიტაციის მიზნით, ადგილობრივმა თვითმმართველობამ ტენდერი გამოაცხადა.

რაც შეეხება კონკრეტულ ლოკაციებს სადაც შესაბამისი სამუშაოები განხორციელდება, „გორის მაცნეს“ ინფორმაციით მალე დაიწყება 235 მეტრი სიგრძის გზის მონაკვეთის რეაბილიტაცია ძმები რომელაშვილების ქუჩიდან რაგბის მოედნამდე.

ტენდერი გამოცხადებულია შარტავას ქუჩის 250 მეტრიანი მონაკვეთის რეაბილიტაციის მიზნითაც (თოიძის ქუჩიდან მელიქიშვილის ჩიხამდე). 

 კიდევ ერთი ლოკაცია კი, სადაც საგზაო ინფრასტრუქტურის კეთილმოწყობა იგეგმება, გორის მუნიციპალიტეტის სოფელი ხიდისთავია. აღნიშნულ სოფელში 494 მეტრი სიგრძის შიდა საუბნო გზის რეაბილიტაციისთვის  701 220 ლარია გათვალისწინებული.