საქართველოს მთავრობის გადაწყვეტილებით, რაჭაში სტიქიის შედეგად მომხდარი ტრაგედიის გამო, 7 აგვისტო გლოვის დღედ გამოცხადდა.

„აღნიშნულთან დაკავშირებით გვქონდა მსჯელობა, შაბათ-კვირას გაგრძელდება აქტიური მუშაობა სტიქიის შედეგების სალიკვიდაციოდ. ჩვენი გადაწყვეტილებით, ორშაბათი გლოვის დღედ გამოცხადდება“, – განაცხადა ირაკლი ღარიბაშვილმა.

შოვში მეწყერი 3 აგვისტოს ჩამოწვა. ბოლო ინფორმაციით, შინაგან საქმეთა სამინისტროს საგანგებო სიტუაციების მართვის სამსახურის თანამშრომლების მიერ ონის მუნიციპალიტეტში მიმდინარე სამაშველო ღონისძიების შედეგად, შვიდი პირის ცხედარია ნაპოვნი.