სამართალი
06.02.2020 21:48
გორი-ოთარშენის საავტომობილო გზაზე მომხდარი ავარიის შედეგად მამაკაცი დაშავდა
გორი-ოთარშენის მონაკვეთზე მომხდარი ავტოსაგზაო შემთხვევის შედეგად 35 წლის მამაკაცი დაშავდა. ავტომანქანა გზის სავალი ნაწილიდან გადავარდა. ავარიის შედეგად ავტომანქანის მძღოლმა სხეულის დაზიანება მიიღო. სასწრაფო დახმარების ჯგუფმა დაშავებული სამედიცინო ცენტრ ,,გორმედში“ გადაიყვანა. კლინიკის ექიმის, ლექსო ხეთაგურის განცხადებით, პაციენტის სიცოცხლეს საფრთხე არ ემუქრება.
,,პაციენტს აღენიშნება თავის ტრავმა, გაეწია შესაბამისი სამედიცინო დახმარება, ამ ეტაპზე, პარალელურად, უტარდება კლინიკურ-ლაბორატორიული გამოკვლევები, ყველა საჭირო კვლევის დასრულების შემდეგ, მდგომარებას ნეიროქირურგი შეაფასებს და დაიგეგმება ადეკვატური მკურნალობა. პაციენტის მდგომარეობა სტაბილურია, მიმდინარეობს მონიტორინგი“, - განაცხადა GMnews-თან საუბრისას ლექსო ხეთაგურმა.
