6 აპრილი სპორტის საერთაშორისო დღეა. ეს დღე მსოფლიოს მასშტაბით აღინიშნება და თარიღი თანამედროვე ოლიმპიური თამაშების დაწყებას უკავშირდება. 1896 წლის 6 აპრილს, საბერძნეთის დედაქალაქ ათენში ოფიციალურად გაიხსნა თანამედროვეობის პირველი ოლიმპიური თამაშები.

ცნობისთვის, სპორტის საერთაშორისო დღე გაეროს გენერალური ასამბლეის მიერ მიღებული დადგენილებით, 2014 წლიდან აღინიშნება.