„სოფლის მხარდაჭერის პროგრამის“ ფარგლებში, გორის მუნიციპალიტეტის მერიამ, სარწყავი არხების მოწყობის და დასახლებულ პუნქტებში გზების მოხრეშვის მიზნით, ტენდერი გამოაცხადა.

საპროექტო დოკუმენტაციის მიხედვით, სარწყავი არხები 12 სოფელში - ფლავი, გუგუტიანთკარი, კოშკა, ტირძნისი, ქვემო ნიქოზი, ზემო რეხა, თორტიზა, ჯარიაშენი, პატარა გორიჯვარი, კოშკები, სკრა, რიეთი - მოეწყობა.

რაც შეეხება გზების მოხრეშვას, „გორის მაცნეს“ ინფორმაციით, შესაბამისი სამუშაოები 14 დასახლებულ პუნქტში - ფლავისმანი, კარბი, მერეთი, ბერბუკი, ბერშუეთი, ზემო ნიქოზი, ქვემო ხვითი, შინდისი, მეჯუდისპირი, ნაწრეტი, ახალსოფელი, წითელუბანი, დიდი ატენი, ზემო ჯებირი - განხორციელდება.

გზების მოხრეშვისა და სარწყავი არხები მოწყობის მიზნით განსახორციელებელი სამუშაოების შესყიდვა ერთი ტენდერით ხორციელდება, რომლის სავარაუდო ღირებულება 400 105 ლარია.