შოთა ჩოჩიშვილის სახელობის გორის კომპლექსური სპორტული სკოლის კალათბურთელებმა, საქართველოს ჩემპიონატის ა - ლიგაში 18 წლამდელებს შორის, მორიგი ტურის მატჩში გამარჯვება მოიპოვეს.

ადგილობრივი გუნდი თბილისის „კოლხას“ დაუპირისპირდა და ანგარიშით 92:84 დაამარცხა. შეხვედრაში გორელებს ყველაზე მეტი, 35 ქულა სანდრო ზარიძემ მოუტანა და მის ანგარიშზეა 19 მოხსნაც. 9 შედეგიანი პასით გამოირჩეოდა ნუგზარ ბუთხუზიც.

ცნობისთვის, თბილისის „კოლხას“ და შოთა ჩოჩიშვილის სახელობის კომპლექსური სპორტული სკოლის კალათბრთელებს შორის შეხვედრა გორის სპორტის სასახლეში გაიმართა.