საზოგადოება
24.03.2023 11:53
5 ათეული წელია, შენობაში მსგავსი სახის სარეაბილიტაციო სამუშაოები არ ჩატარებულა - სვენეთის საბავშვო ბაღის რეაბილიტაცია მიმდინარეობს
გორის მუნიციპალიტეტის სოფელ სვენეთში საბავშვო ბაღის რეაბილიტაცია მიმდინარეობს.
პროექტის მიხედვით, სამუშაოები სააღმზრდელო დაწესებულების შენობის ნაწილში ხორციელდება.
ადგილობრივი თვითმმართველობის ინფორმაციით, გამოიცვლება სახურავი, ფანჯრები, კარი, იატაკი. მოეწყობა გათბობის, სასმელი წყლის, კანალიზაციის და ელექტრო მომარაგების ახალი სისტემები.
„სვენეთის საბავშვო ბაღის შენობას, რომელიც დაახლოებით 5 ათეული წლის წინ შევიდა ექსპლუატაციაში, მსგავსი სახის სარეაბილიტაციო სამუშაოები დღემდე არ ჩასტარებია“, - აცხადებენ მერიაში.
ამ ეტაპზე, საბავშვო ბაღში სკოლამდელ განათლებას 37 აღსაზრდელი იღებს.
