გორის მუნიციპალიტეტის საბაზო საფეხურის 297 წარჩინებულ კურსდამთავრებულს კომპიუტერები გადაეცა.

დაჯილდოება  კულტურის სახლში გაიმართა და მას ადგილობრივი ხელისუფლების, საგანმანათლებლო რესურსცენტრის წარმომადგენლები და მოსწავლეების ოჯახის წევრები დაესწრნენ. ღონისძიება პროექტის - „ჩემი პირველი კომპიუტერის“ ფარგლებში გაიმართა, რომელიც საქართველოში 2009 წლიდან ხორციელდება.

პროგრამის ბენეფიციარებად განისაზღვრნენ ის მოსწავლეები, რომლებმაც მე-7, მე-8 და მე-9 კლასები წარჩინებით დაასრულეს და მათი საფეხურის ნიშანია 10 ქულა. პროგრამის მიზანია მოსწავლეთა მოტივაციის ამაღლება და ინფორმაციულ-საკომუნიკაციო ტექნოლოგიებზე დაფუძნებული სწავლა/სწავლების მეთოდების გაძლიერება.