საზოგადოება
20.03.2023 10:01
დიდი ბრიტანეთის და რუმინეთის საელჩოები გორში ერთობლივ ღონისძიებას გამართავენ
20 მარტს, გორის ცენტრში, თეატრის მიმდებარე ტერიტორიაზე, დიდი ბრიტანეთის და რუმინეთის ერთობლივი ღონისძიება გაიმართება, რომლის ფარგლებშიც ნატოსა და საქართველოს შორის საკონტაქტო საელჩოებად ორი წლის ვადით არჩევა აღინიშნება.
ღონისძიებას დაესწრებიან დიდი ბრიტანეთის ელჩი მარკ კლეიტონი და რუმინეთის ელჩი რაზვან როტუნდუ.
საკონტაქტო საელჩოების ქსელი 90-იანი წლების დასაწყისში დაარსდა, როგორც ნატოსა და პარტნიორ ქვეყნებს შორის თანამშრომლობის მხარდაჭერის ფორმა.
ამ პერიოდში დაგეგმილია საქართველოში სხვადასხვა პროექტის განხორციელება.
დაინტერესებულ პირებს სწორედ დაგეგმილი ღონისძიებებისა თუ პროგრამების შესახებ მიაწვდიან ინფორმაციას.
