საზოგადოება
28.02.2023 12:44
რიკოთის უღელტეხილზე დაზიანებული ადგილების შეკეთების სამუშაოების გამო, ცალკეულ მონაკვეთებზე ტრანსპორტრის გადაადგილება შეფერხებით ხორციელდება
რთული კლიმატური პირობების გამო მიმდინარე ინტენსიური გაწმენდითი სამუშაოების შედეგად, თბილისი-სენაკი-ლესელიძის საავტომობილო გზის რიკოთის საუღელტეხილო მონაკვეთზე ავტოტრანსპორტის მოძრაობა კვლავ შეფერხებებით ხორციელდება.
საავტომობილო გზების დსეპარტამენტის ინფორმაციით, უღელტეხილის ცალკეულ მონაკვეთებზე ინტენსიურ რეჟიმში მიმდინარეობს დაზიანებული გზის საფარის აღდგენა.
უწყების ცნობით, პირველ ეტაპზე, გზის დაზიანებული ადგილების დროებითი შეკეთების სამუშაოები დილის 8 საათიდან საღამოს 7 საათამდე მიმდინარეობს, შესაბამისი კლიმატური პირობების დადგომისთანავე კი, დაიგეგმება გზის კაპიტალური შეკეთების სამუშაოები.
