20-დან 24 თებერვლის ჩათვლით, გორის მუნიციპალიტეტში ნალექია მოსალოდნელი.

სინოპტიკოსების ცნობით, 20 თებერვალს, მთელი დღის განმავლობაში იწვიმებს, 17:00 საათიდან წვიმა გაძლიერდება. ჰაერის მაქსიმალური ტემპერატურა +7 გრადუსს მიაღწევს.

21 თებერვალს ღამით თოვლჭყაპი, დილის 05:00-დან 10:00 საათამდე მოსალოდნელია ნალექი თოვლის სახით. დღისით ჰაერის მაქსიმალური ტემპერატურა +4 გრადუსი იქნება.

11:00-დან 17:00 საათამდე უნალექო ამინდი შენარჩუნდება. 18:00 საათიდან დილის 07 საათამდე კი მოსალოდნელია ნალექი თოვლისა და თოვლჭყაპის სახით.

22-23 თებერვალს მთელი დღის განმავლობაში იწვიმებს. ჰაერის მაქსიმალური ტემპერატურა +5 გრადუსს მიაღწევს.

24 თებერვალს  ღამით და დილის საათებში იქნება ნალექი თოვლის სახით. 12:00 საათიდან გამოიდარებს და პერიოდულად ღრუბლიანობაა მოსალოდნელი.