საქართველოს ჩემპიონატზე ჭაბუკთა შორის ძიუდოში გორელმა სპორტსმენებმა 1 ვერცხლის და 3 ბრინჯაოს მედალი მოიპოვეს.

ქვეყნის ჩემპიონატი თბილისში ჩატარდა და მედლები გურამ პაპიტაშვილის სახელობის გორის კომპლექსური სპორტული სკოლის ძიუდოისტებმა მოიპოვეს.

ვერცხლის მედალი საბა საბაშვილმა (60 კგ.) დაიმსახურა, ხოლო ბრინჯაოს პრიზიორები გახდნენ: ირაკლი მარკოზაშვილი (50 კგ.), ილია ყველაშვილი (66 კგ.) და ნოდარ კობალაძე (+90 კგ.).