შინაგან საქმეთა სამინისტროს ინფორმაციით, თურქეთში მიმდინარე სამაშველო ოპერაციებში საქართველოდან დამატებით 40 მეხანძრე-მაშველი ჩაერთვება.

ამ დროაისთვის, ქალაქ ადიამანში მიმდინარე სამაშველო ოპერაციებში უკვე ჩართულია 60 ქართველი მაშველისგან შემდგარი სპეციალური ჯგუფი.

შსს-ს ინფორმაციით, ქართველ მაშველთა ჯგუფი დაკომპლექტებულია მიწისძვრის შედეგების სალიკვიდაციო და სამაშველო ღონისძიებების განხორციელების მიმართულებით გადამზადებული მეხანძრე-მაშველებით, კინოლოგებითა და მაშველი ძაღლებით.

სამაშველო ჯგუფი აღჭურვილია თანამედროვე აკუსტიკური საშუალებებით, დრონებით, ასევე, კავშირგაბმულობის მანქანითა და ყველა სახის შესაბამისი სპეციალური სამაშველო მოწყობილობებით.

ცნობისთვის, თურქეთსა და სირიაში 6 თებერვალს მომხდარი მიწისძვრის შედეგად დაღუპულთა რიცხვმა 9 000-ს მიაღწია.