გორელმა მოკრივეებმა სხვადასხვა სინჯის 8 მედალი მოიპოვეს საქართველოს ჩემპიონატზე დიდებსა და ახალგაზრდებს შორის კრივში.

ბათუმის სპორტის სასახლეში გამართულ ქვეყნის ჩემპიონატში გორის ავთანდილ შოშიაშვილის სახელობის და ვარიანის გიორგი კანდელაკის სახელობის კრივის სკოლათა სპორტსმენები მონაწილეობდნენ.

გორის კრივის სკოლის სპორტსმენებმა 1 ოქროს, 1 ვერცხლის და 3 ბრინჯაოს მედალი მოიპოვეს: ლევან დემუროვი (ოქრო, 57 კგ. ახალგაზრდები), ანა მარგიევი (ვერცხლი, 60 კგ. დიდები), ნიკოლოზ წიწიკაშვილი (ბრინჯაო, 63,5 კგ. ახალგაზრდები), ლუკა ნიქაბაძე (ბრინჯაო, 71 კგ. დიდები), გიორგი გუცაევი (ბრინჯაო, 80 კგ. დიდები).

ვარიანის კრივის სკოლამ 2 ოქროს და 1 ბრინჯაოს მედალი აიღო (სამივე ახალგაზრდებში): ლაშა კერესელიძე (ოქრო, 48 კგ.), ავთანდილ მდინარიძე (ოქრო, 92 კგ.), ნიკოლოზ ბუზალაძე (ბრინჯაო, 48 კგ.).