გარემოს ეროვნული სააგენტოს ინფორმაციით, 2 თებერვალს, გორში, მთელი დღის განმავლობაში მოსალოდნელია ნალექი წვიმის და თოვლჭყაპის სახით, მუნიციპალიტეტის მაღალი ზონის სოფლებში კი ნავარაუდევია თოვა და ტემპერატურის მკვეთრად კლება.

დაბალი ტემპერატურა და ნალექი შენარჩუნდება მუნიციპალიტეტის ცალკეულ ლოკაციებზე 3 თებერვალსაც.

სინოპტიკოსების ცნობით, 2-3 თებერვალს, საქართველოს მთიან და მაღალმთიან რეგიონებში მოსალოდნელია ძლიერი თოვა, ნისლი და ქარბუქი.

ამასთანავე, უამინდობის გამო, საავტომობილო გზების ცალკეულ მონაკვეთებზე შესაძლოა, შეზღუდვები დაწესდეს ტრანსპორტის მოძრაობაზე.