საქართველო-სომხეთის საზღვრის გამარტივებული გადაკვეთის შესახებ შეთანხმება ძალაში შევიდა.

„საქართველოს საკანონმდებლო მაცნეს“ ვებგვერდზე გამოქვეყნებული მთავრობის დადგენილების თანახმად, ამიერიდან, ორივე ქვეყნის მოქალაქეებს სახელმწიფოთაშორისი საზღვრის გადაკვეთა ელექტრონული პირადობის მოწმობებით შეეძლებათ.

შეგახსენებთ, საქართველოს მოქალაქეებისთვის სომხეთი გახდა მესამე ქვეყანა, სადაც შესვლისთვის პასპორტი არ არის საჭირო. ანალოგიური რეჟიმი მოქმედებს თურქეთსა და უკრაინაში შესვლაზე.