საკანონმდებლო მაცნეზე  „უქმე დღეების განსაზღვრის შესახებ“ მთავრობის დადგენილება გამოქვეყნდა, რომლის მიხედვითაც ადმინისტრაციულ ორგანოებში დასაქმებულთათვის 2023 წლის 3 იანვრიდან 6 იანვრის ჩათვლით დღეები უქმეებად განისაზღვრა.

ბრძანებაში მითითებულია იმ სუბიექტების შესახებაც, რომლებზეც „უქმე დღეები“ არ ვრცელდება, ეს გახლავთ ის დაწესებულებები, რომელთა უწყვეტი ფუნქციონირება მნიშვნელოვანია სახელმწიფო ხელისუფლების განხორციელებისა და საზოგადოების ნორმალური ფუნქციონირებისთვის წარმოადგენს გადაუდებელ აუცილებლობას.

აღნიშნული დადგენილება, ასევე, არ ვრცელდება საქართველოს ეროვნული ბანკის ზედამხედველობას დაქვემდებარებული პირების წინაშე შესასრულებელ ფინანსურ ვალდებულებებზე.

უქმე დღეების განსაზღვრის შესახებ დადგენილება არ შეეხება „სახელმწიფო შესყიდვების შესახებ“ საქართველოს კანონით გათვალისწინებულ სახელმწიფო შესყიდვებთან დაკავშირებულ საქმიანობას და სახელმწიფო შესყიდვებთან დაკავშირებული დავების განხილვის საბჭოს საქმიანობასაც.