საზოგადოება
13.12.2022 12:14
„ზამთრის საოცრებათა ბაზრობა“ ადამიანის უფლებათა დაცვის საერთაშორისო დღეს მიეძღვნა
ევროკავშირის სადამკვირვებლო მისიის და გორის მუნიციპალიტეტის მერიის ორგანიზებით, გორში „ზამთრის საოცრებათა ბაზრობა“ მოეწყო.
ღონისძიებას, რომელიც ადამიანის უფლებათა დაცვის საერთაშორისო დღეს მიეძღვნა, ანა ფერაძის სახელობის სამხატვრო სკოლამ უმასპინძლა.
გამოფენა-გაყიდვაზე წარმოდგენილი იყო მოსწავლეების შემოქმედება, ადგილობრივი ხელოვანების მიერ შექმნილი ნამუშევრები და მეწარმეების პროდუქცია.
შეგახსენებთ, 10 დეკემბერი ადამიანის უფლებათა დაცვის საერთაშორისო დღედ გაეროს გენერალურმა ასამბლეამ 1950 წელს გამოაცხადა. აღნიშნული გადაწყვეტილების მიზანი, ადამიანის უფლებების დაცვის შესახებ მსოფლიოს მასშტაბით ცნობიერების ზრდის ხელშეწყობა იყო.
