სამშაბათს, 13 დეკემბერს, გორში დასაქმების ფორუმი გაიმართება.

ფორუმში 30-მდე კომპანია მიიღებს მონაწილეობას და სამუშაოს მაძიებლებს შესაძლებლობა ექნებათ, 500-ზე მეტ ვაკანსიას გაეცნონ და შეარჩიონ სასურველი.

ფორუმი დასაქმების ხელშეწყობის სახელმწიფო სააგენტოს, შიდა ქართლში სახელმწიფო რწმუნებულის ადმინისტრაციისა და გორის მუნიციპალიტეტის მერიის ორგანიზებითა და „ახალგაზრდული მეწარმეობა სოფლის განვითარებისთვის“ მხარდაჭერით ხორციელდება.

დასაქმების ფორუმი გ. ერისთავის სახელობის გორის თეატრის შენობაში (მოსამართი: ჭავჭავაძის გამზირი #24), 13 საათზე დაიწყება.