გორში დასაქმების ფორუმი გამართება. ადგილობრივი თვითმმართველობის ინფორმაციით, ღონისძიებაში 30-მდე კომპანია მიიღებს მონაწილეობას.

სამუშაოს მაძიებლებს შესაძლებლობა ექნებათ 500-ზე მეტ ვაკანსიას გაეცნონ და შეარჩიონ სასურველი.

„ფორუმი დასაქმების ხელშეწყობის სახელმწიფო სააგენტოს, შიდა ქართლში სახელმწიფო რწმუნებულის ადმინისტრაციის, გორის მუნიციპალიტეტის მერიის ორგანიზებით და „ახალგაზრდული მეწარმეობა სოფლის განვითარებისთვის“ მხარდაჭერით ხორციელდება“, - აცხადებენ გორის მერიაში.

რაც შეეხება ფორუმის ჩატარების დროს და ლოკაციას, ღონისძიება გორის სახელმწიფო უნივერსიტეტში (ჭავჭავაძის გამზირი #53) 13 დეკემბერს, 13:00 საათზეა ჩანიშნული.