გორის ,,სამოქალაქო ბიუჯეტის“ ფარგლებში მოქალაქეებმა 2023 წლისთვის გორის მერიაში 94 საინიციატივო წინადადება წარადგინეს.

ადგილობრივი თვითმმართველობის ინფორმაციით, გამარჯვებული საინიციატივო წინადადებების გამოვლენის პროცესი 19 სექტემბრიდან 1 ოქტომბრის ჩათვლით მიმდინარეობდა და მასში გორის მუნიციპალიტეტში რეგისტრირებული სრულწლოვანი მოქალაქეები მონაწილეობდნენ.

„მოქალაქეებმა გამარჯვებული 37 საინიციატივო წინადადება გამოავლინეს, რომელთა განსახორციელებლად გორის მერიის 2023 წლის ბიუჯეტში 3 000 000 ლარია გათვალისწინებული“, - აღნიშნულია გორის მერიის მიერ გავრცელებულ ინფორმაციაში.

ცნობისთვის, გორის მუნიციპალიტეტის მერია ,,სამოქალაქო ბიუჯეტის” პროექტს 2016 წლიდან ახორციელებს.