საზოგადოება
24.11.2022 11:12
პროფესიულ საგანმანათლებლო დაწესებულებებში ჩარიცხულ იძულებით გადაადგილებულ პირებს ტრანსპორტირების ხარჯები დაუფინანსდებათ
დევნილთა, ეკომიგრანტთა და საარსებო წყაროებით უზრუნველყოფის სააგენტო სახელმწიფო პროფესიულ საგანმანათლებლო დაწესებულებებში ჩარიცხულ იძულებით გადაადგილებულ პირებს სწავლის პერიოდში ტრანსპორტირების ხარჯებს დაუფინანსებს.
სააგენტოს მიერ გავრცელებული ინფორმაციით, პროგრამის მთავარ მიზანს დევნილთა და ეკომიგრანტთა სოციალურ-ეკონომიკური ინტეგრაციის ხელშეწყობა და მათთვის დასაქმების პერსპექტივის შექმნა წარმოადგენს.
„პროფესიული განათლების ხელშეწყობის პროგრამით სარგებლობის მსურველთა განაცხადების მიღება 16 დეკემბრის ჩათვლით გაგრძელდება. განაცხადების მიღება დევნილთა, ეკომიგრანტთა და საარსებო წყაროებით უზრუნველყოფის სააგენტოსა და მის ტერიტორიულ სამმართველოებშია შესაძლებელი“, - აღნიშნულია ინფორმაციაში.
ინფორმაციისთვის, რაც შეეხება გორს, ტერიტორიული სამმართველო მდებარეობს მისამართზე: გორი, სამების ქუჩა N1.
