გიორგობის დღესასწაულთან დაკავშირებით, 23 ნოემბერს, მოქალაქეები შინაგან საქმეთა სამინისტროს მომსახურების სააგენტოს სერვისებით ვერ ისარგებლებენ.

GMnews-ის ინფორმაციით, აღნიშნული თარიღი სააგენტოს ყველა სტრუქტურულ ერთეულში დასვენების დღედაა გამოცხადებული.

„შინაგან საქმეთა სამინისტროს მომსახურების სააგენტო გაცნობებთ, რომ გიორგობის დღესასწაულთან დაკავშირებით, 23 ნოემბერი მომსახურების სააგენტოს ყველა სტრუქტურული ერთეულისთვის გამოცხადებულია დასვენების დღედ “, - ნათქვამია უწყების მიერ გავრცელებულ ინფორმაციაში.

ცნობისთვის, 23 ნოემბერი საქართველოში 1991 წლიდან ოფიციალურად უქმე დღედ არის გამოცხადებული, შესაბამისად, არ მუშაობენ საჯარო და საგანმანათლებლო დაწესებულებებიც.