საქართველოს დაავადებათა კონტროლის ეროვნული ცენტრის ინფორმაციით, სეზონური გრიპის საწინააღმდეგო ვაქცინაცია გახანგრძლივდა და 22 ნოემბრის ჩათვლით ყველა მსურველისთვის უფასოა.

ქვეყნის მასშტაბით, ნებისმიერი მსურველი, მომსახურებას ვაქცინაციის პროცესში ჩართულ 400-მდე სამედიცინო დაწესებულებაში მიიღებს, რაც შეეხება შიდა ქართლს, ვაქცინაცია შესაძლებელია 32 სამედიცინო დაწესებულებაში.

ცნობისთვის, იმუნიზაციის სახელმწიფო პროგრამის ფარგლებში, საქართველომ 200 000 დოზა ,,სანოფი პასტერის“ წარმოების ოთხკომპონენტიანი ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის.

(გაეცანით შიდა ქართლში მოქმედი იმ სამედიცინო დაწესებულებების ნუსხას, სადაც შესაძლებელია სეზონური გრიპის საწინააღმდეგო ვაქცინაცია)