საზოგადოება
31.10.2022 15:08
შიდა ქართლის გუბერნატორი და რეგიონული განვითარებისა და ინფრასტრუქტურის მინისტრის მოადგილე „განახლებული რეგიონების“ პროექტის მიმდინარეობას გაეცნენ
შიდა ქართლის სახელმწიფო რწმუნებულმა მიხეილ შაყულაშვილმა, რეგიონული განვითარებისა და ინფრასტრუქტურის მინისტრის მოადგილემ კობა გაბუნიამ და ადგილობრივი თვითმმართველობის წარმომადგენლებმა, სახელმწიფო პროგრამა ,,განახლებული რეგიონები“-ს ფარგლებში გორსა და კასპში მიმდინარე და დასრულებული სამუშაოები დაათვალიერეს.
პროექტის I ეტაპი უკვე დასრულდა გორში და ამჟამად მიმდინარეობს II ეტაპზე გათვალისწინებული სამუშაოები.
პროექტის ფარგლებში სრულად განახლდა შენობების ფასადები, შეიცვალა კარ-ფანჯრები და დაირგო ნარგავები.
რაც შეეხება კასპს, დასრულდა ცენტრალურ ქუჩაზე მდებარე შენობების ფასადების მოპირკეთება, სააკაძის მოედნისა და სკვერების რეაბილიტაცია.
საქართველოს პრემიერ-მინისტრის მიერ ინიცირებული 4 წლიანი პროგრამა „განახლებული რეგიონები“ საქართველოს 63 მუნიციპალიტეტს მოიცავს.
