საქართველოს რეგიონებში ყურძნის მოსავალს სხვადასხვა დროს იღებენ. კახეთში რთველი თითქმის დასრულდა და ამჟამად ყურძნის მოსავლის ასაღებად შიდა ქართლსა და რაჭაში ემზადებიან.

როგორც ,,გორის მაცნეს“ სოფლისა და სოფლის მეურნეობის სააგენტოს შიდა ქართლის რეგიონული სამმართველოს ხელმძღვანელმა განუცხადა, გორის მუნიციპალიტეტში რთველი რამდენიმე დღეში დაიწყება.

მამუკა ლომსაძის ინფორმაციით, გორელი ფერმერები საკმაოდ კარგ მოსავალს ელიან, რთველის დასაწყებად კი კონკრეტულ პერიოდს ინდივიდუალურად არჩევენ ყურძნის სიმწიფის ფაზების მიხედვით, პირველ ეტაპზე კი, ტრადიციულად, გორის მუნიციპალიტეტში რთველი ატენსა და ქვეშში იწყება.