გამყოფ ხაზთან მცხოვრებ მოსახლეობას, ზამთრის პერიოდში გათბობის უზრუნველყოფის მიზნით, ფინანსური დახმარება გაეწევა, - აღნიშნულის შესახებ გამყოფი ხაზის მიმდებარე სოფლებში კონფლიქტით დაზარალებული მოსახლეობის საჭიროებებზე რეაგირების დროებითი სამთავრობო კომისიის სხდომაზე იმსჯელეს.

როგორც ზემოხსენებული კომისიის 25-ე სხდომაზე სახელმწიფო მინისტრმა თეა ახვლედიანმა განაცხადა, საოკუპაციო ხაზის მიმდებარედ მცხოვრები კონფლიქტით დაზარალებული ადამიანებისთვის სათანადო პირობების უზრუნველყოფის მიზნით, მუშაობა აქტიურად მიმდინარეობს. სწორედ ამიტომ, გამყოფი ხაზების სიახლოვეს მოსახლეობაზე ზრუნვა შერიგების და ჩართულობის პოლიტიკის ერთ-ერთ უმნიშვნელოვანეს პრიორიტეტს წარმოადგენს.