საზოგადოება
21.09.2022 11:22
21 სექტემბერს მართლმადიდებლური ეკლესია ღვთისმშობლის შობას აღნიშნავს
21 სექტემბერს მართლმადიდებლური ეკლესია ღვთისმშობლის შობას აღნიშნავს. საუფლო დღესასწაული უძველესი დროიდან, ჯერ კიდევ IV საუკუნიდან აღინიშნება.
ღვთისმშობლის შობის დღე მართლმადიდებელი მორწმუნეებისთვის ერთ-ერთი უდიდესი დღესასწაულია.
ყოვლადწმინდა ღვთისმშობელი გალილეის პატარა ქალაქ ნაზარეთში დაიბადა. მამა, მართალი იოაკიმე, დავით მეფის ტომიდან იყო, ხოლო დედა, მართალი ანა - პირველი მღვდელმთავრის, აარონის შთამომავალი.
ღვთისმოშიშ ცოლ-ქმარს შვილი ხანდაზმულ ასაკში შეეძინა. მათ აღთქმა დადეს, თუ ღმერთი შვილს მისცემდათ, ახალშობილს ტაძარში მსახურებისთვის უფალს მიუძღვნიდნენ. უფალმა იოაკიმესა და ანას ლოცვა-ვედრება შეისმინა.
მართალი იოაკიმ და ანა ეკლესიის მიერ ,,მშობლებად ღმრთისა” იწოდებიან, როგორც იესო ქრისტეს ხორციელნი წინაპარნი.
