სპორტი
12.08.2022 11:10
ტურნირი ქართულ ჭიდაობაში, რომელიც შინდისის ბრძოლაში გმირულად დაღუპული 17 გმირის ხსოვნას მიეძღვნა
შინდისში ქართულ ჭიდაობაში ტურნირი გაიმართა, რომელიც 2008 წლის აგვისტოს ომში, შინდისის ბრძოლაში გმირულად დაღუპული 17 გმირის ხსოვნას მიეძღვნა.
შეჯიბრებაში მონაწილეობა ნებისმიერი ასაკის როგორც პროფესიონალ, ასევე მოყვარულ სპორტსმენს შეეძლო.
საპრიზო ადგილების მფლობელები სამ წონით კატეგორიაში გამოვლინდნენ. პრიზიორებს გადაეცათ ფულადი ჯილდოები.
აღნიშნული სამი წონითი კატეგორიის გარდა, შეჯიბრი გაიმართა აბსოლუტურ წონით კატეგორიაშიც. აბსოლუტურის პრიზიორებსაც გადაეცათ ფულადი ჯილდოები.
ტურნირი გორის მუნიციპალიტეტის მერიისა და ა(ა)იპ გორის მუნიციპალიტეტის სპორტის განვითარების სააგენტოს ორგანიზებით ჩატარდა.
