მარცხით დაასრულა პირველი მატჩი ევროპის კონფერენსლიგაზე გორის „დილამ“.

გორული კლუბი, 7 ივლისს, ფინეთში, ადგილობრივ „კუპსისთან“ 0:2 დამარცხდა. ბურთები „დილას“ კარში 32-ე წუთზე იკაუნიეკსმა გაიტანა, 90+1 წუთზე კი, პენალტით - ვაირინენმა.

მომდევნო ეტაპზე გამსვლელი გუნდის ვინაობა, ორმატჩიან დუელში გადაწყდება. შესაბამისად, ახლა, „დილას“, გორში მოუწევს ორბურთიანი ჩამორჩენის ამოქაჩვა.

საპასუხო შეხვედრა 14 ივლისს, გორის თენგიზ ბურჯანაძის სახელობის სტადიონზე გაიმართება.