საზოგადოება
14.03.2022 13:20
15 მარტიდან სკოლებში სასწავლო პროცესი განახლდება - იგეგმება თუ არა სწავლის დისტანციურად გაგრძელება
სკოლებში გამოცხადებული საგაზაფხულო არდადეგები დღეს სრულდება. განათლების სამინისტროს შესაბამისი გადაწყვეტილების თანახმად, საჯარო სკოლებში სასწავლო პროცესი ხვალიდან, 15 მარტიდან განახლდება.
რა მდგომარეობაა გორის მუნიციპალიტეტის მასშტაბით კორონავირუსის გავრცელების თვალსაზრისით და რომელ საგანმანათლებლო დაწესებულებებში არ განახლდება სასწავლო პროცესი, საკითხის გასარკვევად GMnews-ი გორის საგანმანათლებლო რესურსცენტრს დაუკავშირდა. როგორც საგანმანათლებლო რესურსცენტრის დირექტორმა განაცხადა, დღევანდელი მონაცემებით, ყველა საგანმანათლებლო დაწესებულება პირისპირ სწავლის რეჟიმში განაგრძობს სემესტრს. არცერთ საჯარო სკოლაში არ იგეგმება სწავლის განახლება დისტანციურად.
შეგახსენებთ, რომ გორის მუნიციპალიტეტის საგანმანათლებლო რესურსცენტრის დაქვემდებარებაში 67 საჯარო სკოლაა.
