მსოფლიოს ყველაზე ძვირადღირებულად ითვლება თვითმფრინავი, რომლის ღირებულებაც 100 მილიონიდან 2 მილიარდ დოლარამდე მერყეობს. თვითმფრინავების ღირებულებაზე გავლენას ახდენს არა მხოლოდ მათი საბაზრო ფასი, არამედ ინტერიერის გაფორმება და ტექნიკური აღჭურვილობა. მსოფლიოში ყველაზე ძვირადღირებული თვითმფრინავები ცნობილ მულტიმილიარდერებსა და საზოგადო მოღვაწეებს ეკუთვნით, რომელთაც საშუალება აქვთ საკუთარი კომფორტული თვითმფრინავი ჰქონდეთ.

მაშ ასე, GMnews-ი წარმოგიდგენთ 5 ყველაზე ძვირადღირებულ კერძო თვითმფრინავს მსოფლიოში:

1-ლი ადგილი - Airbus-A380 - 2012 წელს, Airbus-A380 საუდის არაბეთის შეიხმა ალ ვალიდ ბინ ტალალუმ 300 მილიონ დოლარად შეიძინა, თუმცა, შეიხის გემოვნებით ლაინერის მოწყობის შემდეგ მისი ფასი კიდევ 200 მილიონით გაიზარდა და დღეს ერთ-ერთი ძვირადღირებული თვითმფრინავის ფასი მინიმუმ 500 მილიონი დოლარია. თვითმფრინავის ბორტზე განთავსებულია: რამდენიმე საძინებელი; სპორტული დარბაზი; სპა-სალონი; თურქული აბანოები და მარმარილოს შრიფტი; მანქანის ავტოფარეხი; 14 ადამიანზე გათვალისწინებული სასადილო ოთახი; შეხვედრების ოთახი; სტუმრებისთვოს გათვალისწინებული 20 ოთახი (5 ვარსკვლავიანი სასტუმროების დონის); სამეფო ტახტი, დამონტაჟებული თვითმფრინავის ცენტრში; სალოცავი ოთახი;

მე-2 ადგილი - ბოინგი 767 - მინიმუმ 500 მილიონ დოლარად შეფასებული ბოინგი 767 რუს ოლიგარქს, რომან აბრამოვიჩს ეკუთვნის. შეძენის შემდეგ, Boeing 767 სალონის დიზაინი მთლიანად შეიცვალა. როგორც ცნობილია, ოლიგარქის  ბოინგის ყველაზე განსაკუთრებული ელემენტია ბორტზე ანტისარაკეტო სისტემის არსებობა. ხალხმა მეტსახელად დაარქვა აბრამოვიჩის ლაინერს "ბანდიტი" მის კორპუსზე ორიგინალური დიზაინის გამო.

მე-3 ადგილი - Airbus A340-300 - ერთ-ერთი ყველაზე ძვირადღირებული თვითმფრინავია Airbus A340-300, როელიც ასევე რუს მილიარდერს, ალიშერ უსმანოვს ეკუთვნის. თავდაპირველად, ლაინერი 238 მილიონ დოლარად შეიძინა, მაგრამ გარკვეული მანიპულაციების შემდეგ, მისი ღირებულება 350 მილიონ დოლარად არის შეფასებული. ლაინერს გარედან აწერია ოლიგარქის მამის სახელი - ბურხანი, რაც ტრანსპორტს უნიკალურს ხდის არა მხოლოდ რუსეთში, არამედ მსოფლიოში.

მე -4 ადგილი - ბოინგი 747-430 - მსოფლიოში ყველაზე ძვირადღირებული თვითმფრინავების სიაში მეოთხე ადგილს ბრუნეის სულთანის, ჰასანალ ბოლკიაჰის ბოინგი 747-430 იკავებს, მისი ღირებულება დაახლოებით 250 მილიონი დოლარია. ინტერიერის ყველა დეტალში იგრძნობა აღმოსავლური სტილი: ხელნაკეთი ხალიჩები, სანტექნიკა დამზადებულია სუფთა ოქროსგან. ბროლითაა გაწყობილი თვითმფრინავის ზოგიერთი დეკორი.

მე -5 ადგილი - Boeing 757 - მეხუთე ადგილზეა 100 მილიონი დოლარის ღირებულების Boeing 757, რომელსაც ამერიკელი მილიარდერი დონალდ ტრამპი ფლობს. ეს არის ყველაზე ცნობადი თვითმფრინავი. ლაინერს კორპუსზე დაწერილი მისი მფლობელის სახელი გამოარჩევს. ტრამპის თხოვნით, სალონი აღიჭურვა ფართო საძინებლით, საოჯახო გერბის გამოსახულებით, ოფისით, 52 დიუმიანი პლაზმური პანელით და სახლის კინოთეატრით. ტრამპის ლაინერში ღვედის ბალთები მოოქროვილია, ასევე მოოქროვილია აბაზანის აქსესუარები.