10,11 და 17 აპრილს გიორგი ერისთავის სახელობის გორის სახელმწიფო დრამატული თეატრი მაყურებელს მორიგ საპრემიერო ჩვენებაზე ეპატიჟება. თანამედროვე რეჟისორი მამუკა ტყემალაძე, სასცენო ხელოვნების მოყვარულებს ლაშა იმედაშვილის პიესის მიხედვით დადგმულ სპექტაკლს - „იესოს საქმე“ წარუდგენს. სპექტაკლი, რომელზე მუშაობაც ჯერ კიდევ კორონავირუსით გამოწვეული პანდემიის დაწყებამდე მიმდინარეობდა, მაყურებლისთვის, თეატრის მესამე, ექსპერიმენტულ სივრცეში წარსადგენად მზადაა. წარმოდგენა ერთმოქმედებიანია და 1 სთ და 10 წთ. გრძელდება.

რაც შეეხება უშუალოდ სცენარის შინაარსს, ეს გახლავთ ფსიქოლოგიური ხასიათის სპექტაკლი, რომელიც ბიბლიურ სიუჟეტზეა აგებული და ქრისტეს ჯვარცმის საქმის იურიდიულ განხილვას მოიცავს. 

GMnews-ის ინფორმაციით, „იესოს საქმე“ არ იქნება ბოლო საპრემიერო ჩვენება რომელსაც ერისთავის თეატრი, მაყურებელს აპრილში შესთავაზებს.