საზოგადოება
26.03.2021 10:48
შოთა ჩოჩიშვილის სახელობის ცენტრალური სასპორტო სკოლის რეაბილიტაცია ერთ თვეში დასრულდება
შოთა ჩოჩიშვილის სახელობის გორის ცენტრალური სასპორტო სკოლის რეაბილიტაცია ერთ თვეში დასრულდება. ამ დროისთვის, დაწესებულებაში სველი წერტილების, მწვრთნელების ოთახების და ოთხი სპორტული დარბაზის რეაბილიტაცია მიმდინარეობს.
სასპორტო სკოლაში სარემონტო სამუშაოების მიმდინარეობის პროცესს, გორის მუნიციპალიტეტის მერი გაეცნო. კონსტანტინე თავზარაშვილი, ასევე, გაესაუბრა დაწესებულების ხელმძღვანელობასაც და დღის წესრიგში მდგარ საჭიროებები განიხილა.
როგორც ადგილობრივ თვითმმართველობაში ამბობენ, შოთა ჩოჩიშვილის სახელობის გორის ცენტრალური სასპორტო სკოლის რეაბილიტაციის პროექტის ღირებულება 142 996 ლარს შეადგენს.
სკოლაში სპორტის სხვადასხვა სახეობას 1500 - ზე მეტი აღსაზრდელი ეუფლება.
