საზოგადოება
19.03.2021 16:33
საქართველოს კულტურის, სპორტისა და ახალგაზრდობის მინისტრად თეა წულუკიანი დაინიშნა
საქართველოს კულტურის, სპორტისა და ახალგაზრდობის მინისტრად თეა წულუკიანი დაინიშნა.
შესაბამის ბრძანებას ქვეყნის პრემიერ-მინისტრმა, ირაკლი ღარიბაშვილმა ხელი დღეს მოაწერა. თეა წულუკიანი მინისტრის უფლებამოსილების შესრულებას 22 მარტიდან შეუდგება.
პრემიერ-მინისტრის ბრძანებითვე, მიხეილ ჩხენკელი, დღეიდან, დანიშნულია განათლებისა და მეცნიერების მინისტრად.
შეგახსენებთ, რომ საქართველოს განათლების, მეცნიერების, კულტურისა და სპორტის სამინისტროს გაყოფის გადაწყვეტილება ქვეყნის პარლამენტმა 16 მარტს გამართულ პლენარულ სხდომაზე მიიღო.
