ბოლო 24 საათის განმავლობაში, საქართველოში, კოვიდ 19-ის დიაგნოზით, კიდევ 37 ადამიანი გარდაიცვალა და გარდაცვლილთა საერთო რაოდენობა 636 გახდა.

მათ შორის თბილისში - 13, აჭარაში - 10, იმერეთში - 8, ქვემო ქართლში - 3, შიდა ქართლში -2, ხოლო კახეთში - 1 ადამიანი.

შეგახსენებთ, უწყებათაშორის საკოორდინაციო საბჭოსთან არსებული ოპერაციული შტაბის უფროსის, ალექსანდრე ხოჯევანიშვილის ინფორმაციით, ინფიცირების დადასტურებულ შემთხვევათა რაოდენობა საქართველოში 3 473 ერთეულით გაიზარდა და მთლიანობაში, 73 154 გახდა.