„გორმედის“ ქსელში მოქმედი 4 კლინიკიდან 2 სპეციალიზებულ კოვიდკლინიკაში არსებული 135 ადგილიდან ყველა დაკავებულია, - აღნიშნულის შესახებ GMnews-ს „გორმედის“ ადმინისტრაციაში განუცხადეს.

სამედიცინო დაწესებულების მიერ გავრცელებული ინფორმაციის თანახმად, გორისა და ხაშურის კოვიდკლინიკებში მოთავსებული 135 პაციენტიდან 4 რეანიმაციულ განყოფილებაში, მართვით სუნთქვაზე იმყოფება, მათგან ერთის მდგომარეობა განსაკუთრებით მძიმეა. აღნიშნული პაციენტი ასაკოვანია და კორონავირუსთან ერთად სხვა თანმხლები დაავადებებიც აღენიშნება.

დღეს დადასტურებული 1 709 შემთხვევიდან შიდა ქართლში 125 დაფიქსირდა.