საზამთროს კურკები უნდა გააშროთ, დაფქვათ ან მოხალოთ და შაქართან ან თაფლთან ერთად მიირთვათ.

გამშრალი საზამთროს კურკის 30% ცილისგან შედგება, შეიცავს უამრავ ამინომჟავას, რომელიც კუნთოვანი ქსოვილის შექმნას ეხმარება. გარდა ამისა, საზამთროს კურკაში შედის სასიცოცხლო ელემენტები: მაგნიუმი - რომელიც აწესრიგებს წნევას და სისხლში შაქრის შემცველობას;
თუთია - აუცილებელია ცენტრალური ნერვული სისტემის ფუნქციობისთვის, მათ შორის - მეხსიერებისთვისაც; რკინა - აუცილებელია ორგანიზმის ჟანგბადით მომარაგებისთვის, სასუნთქი ჯაჭვის სრულფასოვანი ფუნქციობისა და ატფ-ს სინთეზისთვის, მავნე შინაგანი და გარეგანი ნივთიერებებისგან ორგანიზმის გასაწმენდად; ფოსფორი - უზრუნველყოფს ძვლოვანი ქსოვილის სიმტკიცეს; მონაწილეობს გულის კუნთისა და თირკმლების მოქმედებაში, კუნთოვანი და გონებრივი აქტიურობის პროცესებში; სპილენძი - მისმა დეფიციტმაც შესაძლოა, აორტისა და თავის ტვინის სისხლძარღვთა ანევრიზმას დაუდოს სათავე; მაგნიუმი - არეგულირებს კუნთებისა და ნერვების მუშაობას, სისხლში გლუკოზის დონეს და სისხლის წნევას, ცილების, ძვლისა და დნმ-ს წარმოქმნის პროცესს.

საზამთროს კურკების მიღება ანემიის შესანიშნავი პროფილაქტიკაცაა და გიხსნით ქრონიკული დაღლილობის შეგრძნებისგან. მის შემადგენლობაში, ასევე, შედის უჯერი ცხიმები, მაგალითად, ერთ-ერთი ასეთია ომეგა 6-ი, რომელიც წნევის დამწევი ეფექტური საშუალებაა და სისხლში ქოლესტერინის დონეს ამცირებს; B ჯგუფის ვიტამინები, რომლებიც ორგანიზმს საკვების ენერგიად გარდაქმნაში ეხმარება; ცელულოზა, რომელიც საჭმლის მომნელებელი სისტემის მუშაობას ასტიმულირებს, ორგანიზმიდან შლაკები და ტოქსინები გამოჰყავს და ასე შემდეგ.

აღსანიშნავია, რომ თერმული დამუშავებისას საზამთროს თესლი ყველა სასარგებლო თვისებას ინარჩუნებს.