გორიჯვრის ტაძრამდე მისასვლელი საფეხმავლო ბილიკისა და მიმდებარე ტერიტორიის მოწყობა იგეგმება, - აღნიშნულ ინფორმაციას შიდა ქართლის სამხარეო ადმინისტრაცია ავრცელებს.

როგორც GMnews-მა გაარკვია, ინფრასტრუქტურულ პროექტთან დაკავშირებით კონსულტაციები ხელისუფლებისა და ეპარქიის წარმომადგენლებს შორის უკვე დასრულდა და სამუშაოები რამდენიმე დღეში დაიწყება.

GMnews-ის ინფორმაციით, იგეგმება ცენტრალური გზიდან ტაძრამდე მისასვლელ საფეხმავლო ბილიკზე ბეტონის საფარის მოწყობა და მიმდებარე ტერიტორიის მოწესრიგება.

პროექტს გორის მუნიციპალიტეტის მერია აფინანსებს, განხორციელებას კი, გორისა და ატენის ეპარქია უზრუნველყოფს.